Croeso

Mae Ymgyrch Gofalu am Olew yn fenter ar y cyd rhwng rheoleiddwyr amgylcheddol, cyrff masnach a phroffesiynol a’r diwydiant yn y DU. Rydym yn cydweithio i roi cyngor ar arfer da i chi er mwyn eich helpu i ofalu am eich olew yn ddiogel a, phan na fydd ei angen arnoch mwyach, i’w anfon i gael ei ailgylchu neu ei waredu’n ddiogel. Ein nod yw rhoi’r wybodaeth i chi er mwyn deall sut i leihau’r risg amgylcheddol sy’n gysylltiedig â’ch olew a pham bod hynny’n bwysig.

Yn 2012 hysbyswyd asiantaethau amgylcheddol y DU am fwy na 3300 o ddigwyddiadau yn ymwneud â llygredd olew. Mae hynny bron yn 10 digwyddiad bob dydd. Mae olew’n niweidio’n hamgylchedd, yn lladd planhigion ac anifeiliaid, yn edrych yn hyll a gall gostio miloedd o bunnoedd i’w lanhau.

Os gwelwch olew ar afon, llyn neu nant, ffoniwch y llinell gymorth digwyddiadau/llygredd genedlaethol ar 0800 80 70 60 i hysbysu’r awdurdodau cyn gynted â phosibl. Mae’r llinell ar agor 24 awr y dydd, mae galwadau am ddim o linellau tir ond efallai y codir tâl arnoch os ydych yn defnyddio ffôn symudol.